Events
2023-09-07
The Idols Summer Internship Grad
من حفل تخرج The Idols من برنامج التدريب الصيفي.
كل حد منهم فرق معانا و أثر فينا و حقيقي هنفتقد وجودهم في المكتب جدا.
وجودهم معانا فكرنا بالسبب الرئيسي الذي نعمل سويا لتحقيقه و هو رعاية صحية و طبية أفضل لكل طفل في مصر و الوطن العربي و أفريقيا.
نبذة بسيطة عنهم علشان تحبوهم زي ما حبيناهم ????
ادهم: ادهم قادر يضحك أي حد و يرسم البسمة على الفريق اللي بيشتغل وسطه، و محبوب لأقصى درجة.
جيهان: جيهان تتوصف بانها شخص لازم تحبه لما تشوفه، حنينة و رقيقة و مجتهدة جدا.
جنّة: جنة متألقة و هتكون نجمة كبيرة في عالم السوشيال ميديا، المثقف السكري القادم لاجيال المستقبل.
جودي: جودي تعمل في هدوء و مجتهدة جدا، تثق فيها لو فيه شغل محتاج يخلص و منتظرين نشوفها بطلة في الBasketball.
جنى: جنى هتكون رائدة أعمال في يوم من الايام، مثقفة و كثيرة الإطلاع و التعلم.
حمزة: حمزة خياله واسع جدا و دائما ما بيطلع بأفكار جديدة و غريبة، في كلمة واحدة حمزة شخصية مبدعة (Creative).
شادن: شادن لازم تدخل أي مكان تسيب علامتها، صعب تكون في مكان معاها و متخدش بالك من وجودها، متحدثة لبقة و بتهتم بكل اللي حواليها.
علي: علي سابق سنه بكثير، حكيم و ذكي و سريع التعلم و قمة في التربية و الأدب، متوقعين له مستقبل باهر إن شاء الله.
عبدالله: عبدالله هو مهندس المستقبل، منظم، لبق و ذكي جدا و قمة في التربية و الأدب و الالتزام.
فريدة: فريدة أكثر حد منظم و مرتب و مجتهد في العمل، دورها كان بارز جدا في تنظيم حفل التخرج و أثبتت إن هي تقدر تنقذ الموقف في أخر لحظة حتى لو الخطة و النظام اتغير.
لارا: لارا سريعة التعلم جدا، واثقة من نفسها و بتملى المكان اللي هي فيه فرحة و سعادة مستنين نشوفها مذيعة مشهورة في التلفزيون.
ليلى: ليلى أكثر شخص متمالك لأعصابه و هادي حتى لو فيه كارثة بتحصل، شخصية متفائلة و محبة للحياة.
لينا: لينا مبدعة و عندها حس فني عالي، منتظرين نشوفها Graphic Designer في يوم من الأيام.
مالك: مالك هو مسك الختام، اجتماعي جدا و دائما بياخد في الاعتبار ان محدش يكون قاعد لوحده او ملوش صديق، متقدرش تقعد معاه و متحبوش من خفة دمه.
هنفتقدكم و المكتب هيفضى علينا من غيركم.
شكرا لجعل الصيف في الأكاديمية مبهج.????
